Секој кандидат е должен да се запознае со правилата и условите за учество наведени подолу. ( на местото на аудицијата кандидатите се должни да потпишат дека се запознаени со правилата за учество)
Во врска со Јавниот повик за учество во избор/аудиција на лица за учество во серијалот
„К-15“ (К-15 е регистриран заштитен знак на БВБ Продукција СКОПЈЕ), Управниот одбор на БВБ Продукција – Скопје ги донесе следните:
ПРАВИЛА ЗА УЧЕСТВО
НА ЈАВЕН ИЗБОР/АУДИЦИЈА К-15 ТАЛЕНТИ
I.
Право на учество на аудицијата имаат сите Пријавени лица кои имаат наполнето 18 години.
Пријавувањето е исклучиво по пат на СМС.
II.
Сите учесници со пријавувањето на аудицијата и учеството во истата се согласни и изјавуваат дека:
- на организаторот БВБ Продукција Скопје му ги пренесуваат исклучивите права во неограничена форма, согласно членот 79 став 1 од Законот за авторските права и сродните права (пречистен текст), за јавно емитување, ре-емитување, репродуцирање и други сродни права, без било какво територијално и временско ограничување при снимањето, фотографирањето и друг начин на забележување на изведувањето и одвивањето на изборот/аудицијата;
- на организаторот БВБ Продукција Скопје без територијално и временско ограничување во исклучива смисла му го пренесуваат и правото на пренос на правата од претходниот став на трети лица;
- на организаторот БВБ ПРОДУКЦИЈА СКОПЈЕ исклучиво и без временско и територијално ограничување му го отстапуваат правото на ставање на носач на звук, носач на слика и друг вид носачи на запис на аудио-визулени дела, правото на издавање, размножување, дистрибуција и ставање во промет на изведбата од изборот/аудицијата;
- со пренесувањето на исклучивото право на организаторот БВБ ПРОДУКЦИЈА СКОПЈЕ немаат право и нема да ги користат на било каков начин, согласно Законот, вон овој избор или други јавни изведби организирани од организаторот БВБ ПРОДУКЦИЈА СКОПЈЕ ликовите, изведбите, маската, костимографијата, сценографијата,кореографијата и други слични дела, кои биле предмет на изведба во овој избор/аудиција.
III.
Лицата кои ќе бидат избрани од организаторот БВБ ПРОДУКЦИЈА СКОПЈЕ за учество во серијалот „К-15“ и други програмски содржини на организаторот ќе треба да потпишат авторски односно изведувачки договор со кој на организаторот ќе му ги пренесат истите права од членот 2 на Правилата за избор/аудиција, односнo исклучивите права во смисла на Законот за авторското право и сродните права.
И покрај нивниот избор, за оние лица кои нема да склучат Договор, организаторот нема никаква обврска за нивно понатамошно учество.
IV.
Организаторот БВБ ПРОДУКЦИЈА СКОПЈЕ нема обврска да избере ликови доколку ниеден не одговара на барањата и минималните стандарди кои еден лик треба да ги поседува и исполни за учество во серијалот „К-15“ односно други програмски содржини на организаторот.
V.
Организаторот БВБ ПРОДУКЦИЈА СКОПЈЕ нема да ги надоместува трошоците на учесниците направени во нивната подготовка и учество во изборот/аудицијата, по ниедна основа.
VI.
Доколку на местото на одржување на аудицијата и за времетраење на настапот на учесниците дојде до било каков вид на повреда, организаторот не презема никаква одговорност.
VII.
Организаторот БВБ ПРОДУКЦИЈА СКОПЈЕ е должен да ги почитува и запази моралните права на учесниците и во целост да го почитува нивниот морален и уметнички интегритет при користењето на правата од членот 2 и 3 на Правилата.
Скопје, _______.2009 година
Организатор: БВБ ПРОДУКЦИЈА СКОПЈЕ
__________________________________
м.п.
УЧЕСНИК
_____________________________
полно име и презиме, град и ЕМБГ
На денот на одржување на аудицијата кандидатите задолжително треба да носат документ за лична идентификација (лична карта или пасош)
Кандидатите треба да бидат на местото на одржување на аудиицте еден час пред официјалниот почеток
Кандидатите кои не успеале да се пријават во некој од градовите ќе можат со повторно праќање смс да се пријават за следните градови според распоредот.
